O corpo sen vida dun home que desaparecera o sábado foi atopado a última hora da tarde do domingo nunha zona de difícil acceso xunto a un río en Sarria (comarca de Sarria).
En concreto, segundo informa o 112 Galiza, o cadáver apareceu no lugar de Arxevide, en Cesar. Ao parecer, o home caeu por un desnivel e acabou á beira do río.
Por este motivo, a Garda Civil, que se fixo cargo do operativo de procura, solicitou a colaboración dos bombeiros para rescatar o corpo e trasladalo a un punto accesible para os servizos de emerxencias.
Así, os xestores do 112 puxeron os feitos en coñecemento dos bombeiros de Sarria, que se encargaron das tarefas de rescate.
![O buque venezolano 'Canaima', onde viaxaba o biólogo Faustino Riveiro (na imaxe pequena). [Fotos: Vessel Finder | Cedida]](/asset/zoomcrop,480,270,center,center/media/nosdiario/images/2024/05/17/2024051721510233971.jpg)
