Goberno español

O ministro español de Transportes, o socialista Óscar Puente, afirmou esta sexta feira que sacar adiante os Orzamentos Xerais do Estado (OXE) de 2024 non é "unha cuestión perentoria".

Víctor de Aldama, o presunto 'conseguidor', tiña un grupo de 'WhatsApp' con outros tres investigados no que tamén se falou do primeiro concurso que se adxudicou: "Primeiro concurso a dedo que nos fan. Presenteime. 18.500 euros van adxudicar".

O economista Xosé Díaz (Ferrol, 1944) vén de dar ao prelo o seu novo traballo sobre o impacto na Galiza do actual sistema de financiamento. O volume, publicado por Edicións Laiovento baixo o título de Autogoberno e sistema de financiamento. O papel da nación galega, recolle as análises dun dos máximos expertos na materia en relación coa succión do excedente xerado na Galiza, onde o sistema de financiamento xoga un papel chave.

A AEPD ordena a Tools for Humanity, a compañía do propietario de Open IA, Sam Altman, o cesamento "inmediato" da recollida e tratamento de datos persoais que está a realizar no Estado español, tamén na Coruña, a través do proxecto Worldcoin.

O BNG exixe a revisión das "tarifas abusivas" do Alvia.

Trátase do primeiro cesamento no Ministerio desde que transcendeu o caso, xa que moitos dos responsábeis non seguen en activo polas distintas renovacións que se foron levando a cabo nos últimos anos, nos que houbo dous ministros e unha ministra: Ábalos, Raquel Sánchez e agora Puente.

A forza nacionalista tamén demanda garantir a permanencia dos actuais horarios coa chegada dos trens Avril.

O presidente do comité de Alcoa, José Antonio Zan, recrimina que "Alcoa cada vez manda unhas mensaxes máis claras de que nin está nin se lle espera, nin conta con estar no futuro".

O ministro español de Asuntos Exteriores, Unión Europea e Cooperación, José Manuel Albares, pide o apoio dos grupos políticos.

Persoal de Correos e representantes da CIG concentráronse esta quinta feira en Compostela para demandar o pagamento pendente do aumento das retribucións pola achega do vehículo propio para facer o reparto de correspondencia, especialmente no rural. Desde xullo, o Goberno estatal acordou subir a indemnización por quilometraxe de 19 a 26 céntimos. Porén, denunciaron, "Correos nin actualizou este concepto nin tampouco pagou os atrasos desde xullo".

Representantes do colectivo de migrantes protagonizaron esta cuarta feira protestas na Galiza para reclamar "a homologación, a equivalencia e o recoñecemento de especialidades profesionais". As convocatorias de mobilización tiveron lugar ante a Delegación do Goberno español na Galiza, con sede na Coruña, e na Subdelegación de Pontevedra. "Pedimos ao Goberno estatal e, especialmente ao Ministerio de Universidades, que aceleren a homologación dos títulos universitarios dos profesionais estranxeiros", exixiron. Todas as persoas afectadas por esta situación, defenderon as persoas convocantes, están "formadas de acordo ás equivalencias e aos requisitos que pide o Estado español para poder exercer".

O empresario Juan Carlos Cueto, un dos principais investigados na causa, embolsou 9,6 millóns de euros polos contratos adxudicados, segundo a Fiscalía Anticorrupción. Esta cuarta feira declarará na Audiencia Nacional.

A Intervención Xeral da Administración do Estado, dependente do Ministerio de Facenda, sinalou a pasada semana nunha resposta parlamentaria que na Galiza só se executaron no primeiro semestre de 2023 un total de 302 millóns dos 1.020 previstos nas contas públicas para esa anualidade.

O Executivo español publicou esta terza feira o índice de prezos de referencia para limitar os prezos do aluguer en áreas tensionadas, que terá plena vixencia tras un prazo de 10 días para examinar as propostas das autonomías para a implementación no seu territorio. Ademais, esta ferramenta tan só se poderá empregar no caso de que as comunidades autónomas o soliciten.

A nova entidade podería integrar a participación de 10% en Telefónica.

A proposta normativa permitirá outorgar simultaneamente, mediante concurso, o réxime económico de enerxías renovábeis e a reserva da capacidade de acceso á rede e da concesión de uso do dominio público-marítimo terrestre por un prazo máximo de 30 anos, informou o Ministerio.

O grupo socialista rexistrará no Congreso, "de maneira inmediata", unha comisión de investigación para analizar a compra de material sanitario desde as administracións públicas durante a pandemia e da que se lucraría o que fora asesor do ministro e a súa 'man dereita', Koldo García.

A CIG defendeu esta sexa feira que a recente sentenza do Tribunal de Xustiza da Unión Europea (TXUE) na que insta a rematar coas interinidades de longa duración nas Administracións Públicas do Estado español "afonda na necesidade de estabelecer novos mecanismos legais que poñan fin a unha forma de contratación que se está facendo crónica e que non se resolve polos sucesivos procesos de estabilización abertos". Neste sentido, a central sindical considerou que "os servizos públicos teñen que ser universais, de calidade e xestionados polas Administracións con persoal propio". Segundo o ministro español de Transformación Dixital e Función Pública, José Luis Escrivá, o TXUE fixo unha interpretación "moi extensiva" na súa sentenza dunha forma non xustificada. "Hai que ver como os tribunais estatais van interpretando o que se lles suxire", concluíu o ministro.

Koldo García e outras 13 persoas foron detidas esta terza feira pola presunta comisión dos delitos de organización criminal, tráfico de influencias e suborno derivados da compra de material durante a pandemia da Covid-19.