Rusia

Sergei Lavrov, titular de Exteriores de Rusia, que ostentará en 2024 a Presidencia do grupo Brics, informou hoxe de que “perto de tres decenas de Estados buscan actualmente estabelecer lazos e asociacións” coa entidade, destacando a entrada de novos membros o 1 de xaneiro de 2024, tras ser aprobado o ingreso de Exipto, Etiopía, Irán, Arabia Saudita e os Emiratos Árabes Unidos, amais da Arxentina, cuxo acceso depende da decisión do novo presidente, o ultradereitista Javier Milei.

A localidade era un dos enclaves militares máis importantes do exercito Ucraína.

Como cada ano desde 2005, a Asemblea Xeral da Organización das Nacións Unidas (ONU) aprobou na madrugada de hoxe unha resolución rusa que defende a loita contra o nazismo, o neonazismo, a discriminación racial e a xenofobia, recomendando medidas para combatelos e evitar o revisionismo sobre a Segunda Guerra Mundial. 118 Estados votaron a favor, mentres que 49 se opuxeron (entre eles os Estados Unidos) e 14 se abstiveron.

Bruxelas ultima medio ano despois un novo paquete de sancións a Rusia.

Moscova advirte que a ampliación desestabilizará o bloque comunitario.

Inicia a reunión do Consello Europeo, a cimeira de líderes da UE.

Berlín apenas ten munición para dous días de combates.

As condicións que esixe minimizarán a súa presenza en París 2024.

O mandatario ruso, Vladimir Putin, confirmou hoxe que será candidato nas eleccións presidenciais, nas que opta á reelección nun cargo que segundo a última enquisa publicada polo Centro Levada mantería outros seis anos por unha ampla marxe. Desde 1999 Putin desempeñouse como presidente ou primeiro ministro. A Comisión Electoral rusa determinou que as votacións se desenvolvan do 15 ao 17 de marzo de 2024.

Como advertira o propio presidente ucraíno, Volodimir Zelenski, o fracaso na contraofensiva militar derivou nunha redución das entregas de armamento e fondos a Kíiv, que tamén podería levar a un aumento das presións para unha saída diplomática ao conflito.

Rusia consolidouse como terceiro provedor (por detrás dos EUA e de Alxeria) entre xaneiro e novembro de gas natural licuado (GNL) do Estado español, o seu maior importador na Unión Europea (UE). A pesar dun leve descenso na demanda, o Estado español exerce de exportador de GNL ruso ao resto da UE, pois dos 5.210 millóns de metros cúbicos importados até setembro de todas as orixes do mundo, 1.050 foron reexportados na UE.

O rexedor da capital ucraína pediu a Zelenski "honestidade" sobre a auténtica situación tras o inicio do conflicto e sinalou que "Zelenski está a pagar polos erros que cometeu".

Shalanda Young, directora de orzamento da Casa Branca, subliñou hoxe nunha carta ao Congreso estadounidense que “estamos sen diñeiro para dar apoio a Ucraína”, e sostivo que se o lexislativo non aproba unha nova partida ao respecto “ao final do ano non disporemos de recursos para facilitar máis armas e equipamentos ás forzas ucraínas”. Na misiva, defendeu que sen novas achegas “Ucraína axeonllarase no campo de batalla e isto permitiría prevalecer a [o presidente ruso Vladimir] Putin e á autocracia”. Desde a invasión rusa, Washington entregou case 70.000 millóns de euros a Ucraína, a meirande parte en armamento. Os envíos foron reducíndose nos últimos meses, unha vez constatado o fracaso da contraofensiva ucraína. 

A Comisión de Proxectos Lexislativos, que depende do Gabinete ruso, deu luz verde á creación dunha estación científica conxunta entre Rusia e a China na lúa, informaron hoxe medios rusos. A proposta está incluída nun proxecto de lei para ratificar os pactos no ámbito da cooperación espacial entre ambos os dous países. A previsión é que a construción da base lunar remate entre 2035 e 2040, facilitando a presenza do ser humano no satélite.

Rusia trata de completar o cerco de Avdiivka.