Ledicia Costas, o oficio da escrita

O gozo e a transgresión. Son, segundo Ledicia Costas, algúns dos alicerces que a literatura debe ter. Aínda que ela non é moito de teorizar sobre o tema. Prefire definirse como unha escritora profesional. Alguén que fixo de crear mundos o seu medio de vida. A súa traxectoria vén de ser recoñecida cunha das Medallas Castelao deste ano 2023. Debullamos con ela o contido das súas últimas novelas para público infantil e xuvenil e adulto.