Nós Diario

Pedro Branco insiste en que o Estado ten preparado un amplo dispositivo para axudar na limpeza das praias, mais advirte: "Parece que a Xunta non ten interese en utilizalo".

Sermos Galiza S.A. agasalla este sábado as lectoras e os lectores cunha biografía sobre Pedro Pardo de Cela no marco da colección “Biografías esenciais do Reino de Galiza”. Trátase dun traballo da autoría de Alexandre Peres Vigo (Trasancos, 1982), historiador, doutor e profesor da Universidade da Coruña (UDC), dedicado ao Marechal, quen foi perseguido asañadamente polos Reis Católicos até a súa execución pública na praza da catedral de Mondoñedo en 1483, xusto hai 540 anos.

Xoán Costa (Oroso, 1956) e María Obelleiro (Soutomaior, 1985) fan balance da intensa campaña de varias semanas de socialización do medio de comunicación entre as persoas accionistas, subscritoras e lectoras na procura de sumar 1.000 novas e novos asinantes que dean estabilidade e proxección ao único diario en papel en galego que se publica no país.

Máis 1.000 asistentes asistiron á vintena de actos públicos cos que Nós Diario conmemorou os seus 1.000 números no mes de novembro. A directora do xornal, María Obelleiro, amosou esta sexta feira en Ribadavia, onde se puxo o ramo á campaña, a súa satisfacción ante un público "que nos sorprendeu polo seu entusiasmo e apoio, o cal nos traslada moitísima forza".

Nós Diario / Sermos Galiza participará nesta edición de Culturgal cun posto propio no que o público poderá atopar toda información sobre o xornal e o semanario, xusto despois de que o único diario en papel publicado en lingua galega acadase os 1.000 números o pasado dia 11 de novembro. 

Baixo a autoría e asesoramento de ducias de especialistas, Nós Diario publicou 30 castelos e torres galegas para descubrir un reino, un coleccionábel extraordinario, editado para celebrar os 1.000 números do diario, que valoriza o patrimonio, a historia e a contorna territorial dunhas construcións que retratan unha parte importante da identidade da Galiza. Esta terza feira rematan as entregas deste coleccionábel con 512 páxinas.

Con motivo da edición do número 1.000 do xornal Nós Diario –que saíu do prelo o pasado sábado, 11 de novembro– o salón de plenos da Casa do concello da Guarda (Baixo Miño) acolleu esta quinta feira un encontro aberto, organizado polo propio Concello guardés. No acto tomaron a palabra o mariñeiro Joaquín Cadilla, Xoán Colazo, integrante do Consello de administración de Sermos Galiza –empresa editora do xornal–, e María Obelleiro, directora de Nós Diario. Obelleiro puxo en valor a importancia de que o único xornal impreso en galego chegara até o número 1.000, un feito que agradeceu ás persoas subscritoras "que son as que permiten que poidamos facer un xornalismo verdadeiramente independente, sen ataduras". A xeira de actos continuará esta sexta feira en Melide.
 

A xira do xornal polo número 1.000 recalou hoxe en Pontevedra.

A campaña pola edición do número 1.000 de Nós Diario –que saíu do prelo hai este sábado unha semana, o pasado 11 de novembro– chegou nesta sexta feira ao Carballiño, cun acto organizado pola Agrupación Cultural Avantar e pola tenda do proxecto de deseño galego e en galego OZocoGZ. Na tarde de onte tomaron a palabra Darío Ángel Rodríguez, da AC Avantar, o escritor e filólogo Xoán Carlos Domínguez Alberte, e a directora de Nós Diario, María Obelleiro, que puxo en valor o feito de que un xornal en papel, escrito en galego e desde unha axenda galega, teña chegado a publicar o seu número 1.000. A vindeira semana a campaña do número 1.000 deste xornal continuará a terza feira, día 21, en Pontevedra, o 22 en Carballo (Bergantiños), o 23 na Guarda (Baixo Miño) e o 24 en Melide.