Francisco Jorquera

A soberanía é que un país decida en función dos seus intereses, que outros non decidan por nós. Sen ela Galiza non ten futuro. Ese foi o eixo do discurso de Jorquera ante Feijóo. Antes de profundar no asunto soberanista, o portavoz do BNG invocara a pantasma de Marcial Dorado, non citado por Feijóo na súa alocución matutina. O dirixente nacionalista fixo un durísimo alegato contra a xestión do líder do PP galego: "Usa as vítimas de Angrois para tapar os seus fracasos".

O BNG avanza que fará do debate sobre o estado da nación unha "confrontación de modelos" e que non contribuirá, dixo o seu portavoz parlamentar, a facer da Cámara "un circo e un espectáculo".

O portavoz do BNG inquiriu ao presidente da Xunta a respeito da "manipulación informativa" que, afirmou, o goberno da Xunta practica nos medios de comunicación públicos. Jorquera chamou "brigada político social" aos servizos policiais e de intelixencia que, segundo o diario El Mundo, están a investigar o BNG.

O ex director xeral de Caixa Galicia culpou ao seu persoal da estafa das preferentes, negou a desfeita inmobiliaria, calou sobre a colocación de familiares en cargos directivos e non aclarou as cantidades cobradas ao deixar o seu cargo -o BNG di que foron case 19 millóns de euros- na súa comparecencia ante o Parlamento

Samuel Juárez afirma, nunha entrevista en La Voz de Galicia, que no expediente aberto ao portavoz parlamentar nacionalista a policía “aturou acometidas de bárbaros”. Aliás, sinala que cando goberna o PP "hai partidos interesados en incendiar a rúa" e di que Resistencia Galega comparte obxectivos con "grupos políticos".

O deputado e voceiro do grupo parlamentar do Bloque na Cámara galega é unha das oito persoas sancionadas polo Goberno español cunha multa de 600 euros por ter participado no protesto que impediu o despexo de Aurelia Rei na Coruña. Considérano o líder da mobilización

A vice-voceira popular, Marta Rodríguez Arias, afirmou que "todos os cidadáns están sometidos á lei" e "polo tanto obrigados a cumplila". Segundo a parlamentar, o deputado do Bloque incorreu nunha vulneración da Lei de seguridade cidadá como reflicte, di, "o informe policial" que acompaña a sanción. Imaxe capa: Óscar Paris

Son oito as persoas ás que a subdelegación da Coruña impuxo unha pena pecuniaria que ascende a 600 euros. A policía española considera que era o voceiro parlamentar do BNG a "cabeza visíbel" do protesto que logrou frear até dúas veces en poucas horas o despexo da anciá de 85 anos e sanciona tamén os edís Xosé Manuel Carril (BNG) e César Santiso (EU) por "impedir a actuación da comisión xudicial". O bombeiro que se negou a cortar a cadea do portal é outro dos expedientados

O portavoz do grupo parlamentario do BNG preguntou en comisión polas acusacións do presidente da Deputación de Pontevedra contra o voceiro d@s estafad@s do Rosal, a quen acusou de ser "un provocador nato" e de utilizar o calote "para facer carreira política e desgastar os líderes do PP"

Un avogado de Pablo Crespo, Félix Pancorbo, figura como imputado no novo proceso que se segue contra Marcial Dorado na Audiencia Nacional. Denunciouno no Parlamento o portavoz do BNG, Francisco Jorquera, na sesión de control a Feijóo. Narcotráfico. Gürtel. A conexión chámase Félix Pancorbo. Feijóo, fiel a súa táctica, deixou sen contestar as perguntas da oposición. Beiras plantouse diante do seu escano para lle afear a súa conduta.

O presidente da Xunta de Galiza teima en atacar ao portavoz parlamentar nacionalista en cada sesión plenaria. Os "pactos con Bildu" e o "independentismo" son empregados por Núñez Feijóo para fuxir das preguntas achegadas por Jorquera. 

Francisco Jorquera asegura que as teses do apostan na construción da unidade do nacionalismo "paso a paso" e a través da apertura de espazos de confluencia con outras organizacións soberanistas.

Chávez é neste momento o grande asunto en twitter. Son trending topic á vez #Chávez #MuereChávez #Venezuela. O portavoz do grupo parlamentar do BNG, Francisco Jorquera, debruzouse na rede e deitou tres chíos. Nun deles reprocha aos meios españois que chaman caudillo a Chávez que silencien, en troca, que o Rei Juan Carlos I foi imposto por Franco.

O voceiro parlamentar do Bloque asegurou que é precisa "unha rexeneración democrática urxente" fronte aos numerosos casos de corrupción

A policía española emprendeu unha carga contra @s manifestantes por volta das 13.45h, aproveitando que a convocatoria estaba practicamente disolta ao lles comunicaren ás 13h que o desafiuzamento desta muller de 85 anos non se executaría hoxe. Dúas unidades de bombeiros negáronse a facer parte da execución hipotecaria e desobedeceron a orde de cortar a cadea do inmoble

O presidente da Xunta de Galiza evitou responder ás preguntas orais formuladas polos grupos da oposición atacando @s voceir@s cos "seus socios de goberno" noutras latitudes. Feijóo atacou o BNG co argumento de que o modelo dos soberanistas galegos é Bildu. Jorquera retrucou que as políticas privatizadoras son o caldo da corrupción en que agora anda mergullado o PP.

O voceiro parlamentar da organización frontista asegurou que o BNG  "ten que apostar pola unidade do nacionalismo" e a construción dunha "alternativa" ás políticas anti-sociais do PP.

Os grupos da oposición critican con dureza a xestión de Feijóo e néganlle o seu apoio na sesión de investidura. Na súa quenda de intervención Francisco Jorquera criticou con dureza a xestión de gobernó desenvolvida por Feijóo e asegurou que é precisa “unha rexeneración democrática” e que “Galiza teña dereito a decidir”